ٹرمپ اور مادورو کا براہ راست ٹیلیفونک رابطہ، ملاقات کے امکان پر غور 

مہر خبررساں ایجنسی کی رپورٹ کے مطابق، امریکی روزنامہ نیویارک ٹائمز نے انکشاف کیا ہے کہ گزشتہ ہفتے امریکی صدر ڈونلڈ ٹرمپ نے اپنے وینزویلائی ہم منصب نیکولاس مادورو سے ٹیلیفون پر براہِ راست گفتگو کی۔ ذرائع نے اس رابطے کی تفصیلات بیان نہیں کیں۔  

نیویارک ٹائمز نے اپنے ذرائع کے حوالے سے مزید بتایا کہ ٹرمپ نے مادورو کے ساتھ اس ٹیلیفونک گفتگو میں دونوں فریقین کے درمیان ممکنہ ملاقات کے انعقاد پر غور کیا۔  

اخبار نے ایک باخبر ذریعے کے حوالے سے کہا کہ فی الحال ٹرمپ اور مادورو کے درمیان کسی ممکنہ ملاقات کا کوئی منصوبہ موجود نہیں ہے۔  

نیویارک ٹائمز نے مزید رپورٹ کیا کہ امریکی وزیرِ خارجہ مارکو روبیو بھی اس ٹیلیفونک رابطے میں موجود تھے۔  

اخبار نے دو ذرائع کے حوالے سے یہ بھی بتایا کہ ٹرمپ اور مادورو کے درمیان یہ رابطہ براہِ راست تھا۔